Gizon bat kondenatu dute adin txikiko bati genitalak erakusteagatik
1.440 euroko isuna ezarri diote gizonari exihibizionismo delitua egitea egotzita. 2020ko otsailaren 9an izan ziren gertakariak, denda batean.
Irungo justizia jauregia Gizon bat kondenatu dute 1.440 euro ordaintzera genitalak 16 urteko adin txikiko bati erakustea leporatuta.
EFE agentziak jakinarazi duenez, gertakariak 2020ko otsailaren 9an izan ziren, 16:50 aldera, Irungo bazar batean. Akusatuak biktima ikusi zuenean, hari segika hasi zitzaion dendaren barruan bertan. Epaiaren arabera, gizona “genitalak ukitzen” hasi zen galtzen gainetik, eta adin txikikoari genitalak erakutsi zizkion, “bere sexu bulkada asebetetzeko”.
Akusatuak gertakaria onartu du, eta Fiskaltzak eskatutako zigorrarekin konforme geratu da. Orain, exihibizionismo delitua egotzita, isuna ordaindu beharko du.
