Bidasoak ezagutzen ditu European Leagueko aurkariak
Taldekako fasean Pfadi Winterthur, Tatran Presov, Fuchse, Wisla Plock eta Fenixen kontra jokatu beharko du Bidasoak, A multzoan.
CD Bidasoa (Argazkia, CD Bidasoa). Bidasoak ezagutzen ditu European Leagueko taldekako fasean zein beste talderekin neurtu beharko dituen indarrak. Talde irundarra A multzoan egongo da, eta beste bost talderekin osatuko da: Pfadi Winterthur (Winterthur, Suitza), Tatran Presov (Presov, Eslovakia), Fuchse (Berlin, Alemania), Wisla Plock (Plock, Polonia) eta Fenix (Tolosa, Okzitania).
Aurkari gogorrenetakoak Wisla Plock eta Fuchse izango dira. Poloniarrak iaz finalaurrekoetara iristea lortu zuten, eta alemaniarrak, berriz, aurtengo maiatzean, European Leagueko finala jokatu zuten Magdeburgen kontra. Bestalde, Tatran Presov Europako txapelketetan ohikoa izaten da.
