Festarik egingo ez den arren, «irudimena egokitzera» deitu dute Amute-Kostan
Amute-Kosta Auzo Elkarteak jairik egongo ez dela berretsi du ohar baten bidez. Hala ere, ostiraleko bileran parte hartzera deitu ditu auzokideak.
Amute-Kosta Auzo Elkarteak jaiak prestatzeko bilerara deitu ditu bizilagunak etzi, ostiralarekin, 19:00etan. Auzo elkartearen egoitzan bertan (Komentutxiki Gaina, 30) egingo dute bilkura, eta aurten ezta ere jairik egongo ez den arren, «iaz bezala, irudimenez egokituko gara egoerara». Osasun egoerak hobera egin badu ere «zuhurtziak eta erantzukizunak pazientzia pixka bat gehiago izatera gonbidatzen gaitu», adierazi dute.
