Martxan da Oiassoko antzerki tailerretan parte hartzeko izen ematea
Oiasso museoak eskaintzen dituen haurrentzako zein helduentzako antzerki tailerretarako izen ematea hilaren 7an hasiko da. Ikastaroa, ordea, hilaren 28an.
Erdian Olatz Beobide, Nomofobikak antzezlanean, aurtengo Oiassoko tailerren emailea Haur zein helduek antzerkian murgiltzeko aukera izango dute hilaren 28tik abenduaren 21a bitarteko astearteetan, Oiasso museoan. 20 euroko prezioa du ikastaroak. Olatz Beobidek gidatutako saioak izango dira biak: 17:15etik 18:30era izango dira txikien saioak eta 18:45etik 20:00etara helduenak.
Bestalde, 18 urtetik aurrerakoentzat, irakurketa dramatizatuaren tailerra ere eskainiko dute. Honako hau Ana Perezek gidatuko du eta urriaren 1tik abenduaren 17ra arteko iraupena izango du. Ostiralero elkartuko dira 18:30etik 20:00etara.15 euroko prezioa izango du honek.
Izena emateko aukera hilaren 7an zabalduko dute eta 943 639 353 telefonora deituz edo eta info-oiassomuseoa@irun.org helbidera idatziz egin daiteke. Informazioa eskatzeko aukera ere zabaldu dute.
