Beste bi fitxaketa aurkeztu ditu gaur Bidasoak, Adrian Fernandez eta Dariel Garcia
Gurutz Aginagalde taldearen zuzendariak uste du bi jokalariek taldeari "onura eta taktika" emango diela. Gaur izan da aurkezpena Artalekun.
Ezkerretik eskubira: Adrian Fernandez, Gurutz Aginagalde eta Dariel Garcia. Bidasoa Irungo zuzendariak, Gurutz Aginagaldek, denboraldi honetako beste bi fitxaketa aurkeztu ditu gaur Artalekun, Adrian Fernandez eta Dariel Garcia. Aginagaldek uste du bi jokalariek taldeari “onura eta taktika” emango diela.
Fernandez erdilaria da eta berari buruz zuzendariak esan du “esperientzia eta ibilbide” luzea daukala Asobal Ligan. Jokalariak aitortu du Irungo taldea bere bilakaerarekin jarraitzeko “aproposena” dela.
Garciak jaurtiketan ekarpena egiteaz gain, bi aldeetatik defendatu dezakeela dio zuzendariak. Taldearen eskaintza jaso zuenean “zalantzarik ez” zuela izan eman du jakitera Garciak eta “oso gogotsu eta asko ikasteko prest” dagoela adierazi du.
Erlazionatutako edukiaAnder Ugarte eta Victor Rodriguez, Bidasoaren fitxaketa berriak
