Irailaren 6 arte eskatu daiteke ostalaritza eta ostatatze enpresentzako diru laguntza
Eskatzaile bakoitzari, gehienez, 7000 euro ematea ezarri du udalak. Irailaren 6 arte eskatu daiteke udalaren orrialdean.
Ostalaritza eta alojamendu enpresentzat diru laguntzak aurkeztu zituzten, uztailean, Txomin Sagarzazu alkateak eta Maria Serrano Sustapen Ekonomikorako zinegotziak.
Itxeki Hondarribia planaren bigarren diru laguntza lerroa da, eta, denetara, 422.850 euro bideratuko dituzte Hondarribiko ostalaritza eta alojamendu enpresen artean.
Bi irizpide ezarri zituzten, eta horren arabera, guztira, 100-120 eskatzaile egon daitezkeela jakinarazi zuen udalak. Gehienez, enpresa bakoitzak, 7.000 euro jaso ditzakeela zehaztu zuten ere.
Gaur oroitarazi dute, irailaren 6 arte dagoela laguntza hauen eskaria egiteko aukera. Informazio osoa eta izen emateko eranskinak udalaren orrialdean topa daitezke.
