Bi dantza emanaldi ostegunean, Kultura KM0 programa dela eta
NODE Konpainia eta Uikan dantza taldeak igoko dira taulara. Kultura KM0 programaren baitan antolatu ditu udalak emanaldiak.
'Emakumeak' dantza ikuskizuna. Bi dantza emanaldi antolatu ditu udalak ostegun honetarako, Kultura km0 programaren baitan. Junkal plazatxoan izango dira hitzorduak, 20:00etatik aurrera.
Lehenik, ‘Emakumeak’ izeneko dantza aurkeztuko du NODE konpainiak. Dantza, izen berdina duen proiektu baten parte da, eta, El Salvadorreko emakumeek, haurdunaldian izan ahal dituzten konplikazioengatik jasaten duten zigorra agerian utzi nahi izan dute. Myriam Perez eta Jone Amezaga dantzariak arituko dira taula gainean.
Ondoren, 20:30tatik aurrera, Uikan dantza konpainiak ‘Gizakia’ lana dantzatuko du. Konpainiaren helburua, dibertsitatearen, kulturaren eta artearen artean loturak egitea da. Nuria Perez da zuzendaria eta koreografoa, dantzariak, aldiz, Iratze Recio, Miren Gomez, Xabier Solano eta Eva Sanchez dira.
Sarrera doakoa da, baina 50 minutu lehenago iritsi beharko da bertara, udalak jakinarazi duenez. Gainera, pertsona bakoitzeko, hiru sarrera banatuko dituzte.
