Ligako jardunaldi erabakiorra BATeko nesken eta mutilen taldeentzat
BATeko neskek Ohorezko Mailan segitzea izango dute jokoan, eta BATeko mutilek, berriz, mailaz igotzea. Bi taldeek larunbatean lehiatuko dute.
Argazkia: Bidasoa Atletiko Taldea. BAT Bidasoa Atletiko Taldeko nesken eta mutilen taldeentzat asteburu erabakiorra izango da: biek Ohorezko Maila izango dute jomugan, mailarik gorenena; neskek maila hori ez galtzeko, eta mutilek, berriz, hori eskuratzeko. Bi taldeen jardunaldiak larunbatean izango dira.
Neskek taldeak Valladolidera bidaiatuko du. Bi jardunaldi gogor pasatu ostean, laugarren eta hirugarren postuak erdietsiz, final estua izango du aurrean, talde guztiak berdinduta daudelako. Azken bi plazak saihestu beharko dituzte neskek, mailari eutsi ahal izateko.
BATek gogorarazi duenez, aurretik ere neskek halako estualdiei aurre egin behar izan diete, eta esperientzia hori mesedegarri izatea espero du. BATen arabera, neskek “dena” emango dute kategoria gorenean jarraitu ahal izateko.
Hauek izango dira nesken taldea osatuko duten atletak: Laia Olascoaga (100m), Ana Gomez (200m), Angela Castell (400m), Miriam Gregori (800m), Adriana del Prado (1500m), Ane Zabala (3000m), Teresa Errandonea (100 metro hesiak), Irune Muguruza (400 metro hesiak), Sara Manzisidor (3000 metro oztopo), Camila Sanguino (pertika), Marieta Jover (luzera), Naroa Furundarena (hirukoitza), Eva Queimaño (altura), Goizane Garcia (pisua), Irene Muriedas (diskoa), Garazi Castañares (mailua), Blanca Garcia (xabalina), Alicia Hernandez (5Km martxa), Ana – Laia – Malen – Teresa (4×100 metro), eta Nerea – Irune – Alazne – Angela (4×400 metro).
Mutilen erronka, beste behin, kategoriaz igotzea izango da: Lehen Mailatik Ohorezko Mailara. BATen esanetan, lehiaketaren maila igo egin den arren, mutilek finalerako sailkatzea lortu dute. Igotzea “zaila” izango den arren, mutilak borrokatzeko prest daudela azaldu du.
Honako atletek osatuko dute mutilen taldea: Tirso Ocaña (100m), Iñigo Lozano (200m), Sergi Teixeira (400m), Hugo Alvarez (800m), Asier Diaz (1500m), Jose Gomez (3000m), Imanol Bandres (100m. hesiak), Gustavo Gutierrez (400m hesiak), Radouan El Kiali (3000m oztopo), Mikel Campon (pertika), Iker Arozena (luzera), Juan Errandonea (hirukoitza), Eki Vicente (altuera), Gonzalo Tamayo (pisua), Asier Zarandona (diskoa), Jon Ruiz (mailua), Ivan Redondo (xabalina), Leo Romero (5Km martxa), Iñigo – Iker – Tirso – Aitor (4x100m), eta Sergi – Xabi – Ioritz – Urko (4x400m).
