1. Federazio Mailan egongo da Real Union
Tarazona mendean hartu eta gero, datorren urtean 1. Federazio Maila jokatzeko txartela eskuratu du talde irundarrak.
Real Unionek 1. Federazio Maila jokatzeko txartela lortu du. Irundarrak eta Real Union zaleak zorioneko esnatu dira gaur, talde txuribeltza 1. Federazio Mailan arituko baita datorren urtean. Tarazonaren zelaian hiru puntuak lortu ondoren gauzatu da helburua matematikoki; izan ere, Real Unionek 1-2 hartu zuen atzo mendean Aragoiko taldea.
Ekhi Senarrek sartu zuen lehen gola partidua hasi eta berehala. Bigarren gola, berriz, Zourdine Thiorren eskutik iritsi zen: 0-2. 82. minutuan Tarazoak 1-2koa jarri zuen markagailuan, eta partidako azken minutuetan tarazonatarrak estutzen saiatu ziren arren, azkenean, irundarrentzat izan ziren hiru puntuak.
1. Federazio Maila pandemiaren ondotik sortu den kategoria bat da, horietan pilatutako gehiegizko talde kopurua berrantolatzeko. Espainiako Bigarren Maila eta 2. Federazio Mailaren artean dagoen kategoria da, hain zuzen. Real Union datorren urtean 1. Federazio Maila jokatuko duten 40 taldeetako bat izango da. Hogei taldeko bi multzotan banatuta egongo dira.
https://twitter.com/REALUNIONCIRUN/status/1388847283735826432
Arraun eta arraun, helburua lortu arte…#AupaUnion ⚪⚫ pic.twitter.com/mMP319StaM
— Real Unión Club Irun (@REALUNIONCIRUN) May 2, 2021
