Planetaren orduarekin bat egiteko eskatu die Irungo Udalak herritarrei
Hilaren 28an itzaliko dituzte hiriko eraikin publikoetako argiak, eta herritarrak ere euren etxeetan gauza bera egitera animatu ditu.
Irungo Udalak herritarrei deialdiarekin bat egiteko eskatu die Hilaren 28ean Irungo eraikin publikoetako argiak itzalita egongo dira, ordubetez, 20:30etik 21:20era. Udalak Planetaren Ordua ekimenarekin bat egin izana da horren arrazoia, eta, era horretan, klima aldaketaren aurkako borroka ikusarazi nahi dute. Ekimena are ikusgarriagoa (edo) izateko, herritarrak ere euren etxeetako argiak itzaltzera animatu ditu.
Zehazki, udaletxeko, Menchu Gal museoko eta San Martzial ermitako argiztapena egongo da etenda behin-behinean.
MNF Munduko Naturaren Funtsak urtero egiten duen deialdia da Planetaren Ordua, mundu mailan egiten dena. MNFk gogorarazi duenez, natura lurreko bizitzari eusten dion sistema da, eta behar dugun guztia eskaintzen digu. Klima aldaketaren eta pandemiaren testuinguru honetan, haien kontrako funtsezko aliatu bat ere badela aipatu du, eta inoiz baino beharrezkoagoa dela, orain, naturaren alde egitea, “gure planetaren osasuna babesteko, eta, aldi berean, geuren osasuna eta ongizatea zaintzeko”.
