Labankadaz gazte bat zauritzea leporatuta bi lagun atxilotu ditu Ertzaintzak
Atzo arratsaldean jaso zuen Ertzaintzak Luis Mariano plazan gertatutako erasoaren berri; 17 urteko gaztea da biktima.
Adin txikiko bat labainaz erasotzea akusatuta bi gazte atxilotu zituzten atzo Irunen, Ertzaintzak ilunabarrean ezagutarazi zuenez. Zabaldutako informazioaren arabera, 17 urteko gazte batek labankada bat jaso zuen albo batean Luis Mariano plazaren inguruetan, arratsaldeko 14:40ean. Bidasoa Ospitalera lekualdatu zuten gaztea.
Ertzaintzak adierazi duenez, 15:00ak aldera aurkitu zuten ustezko egilea, «Irungo etxebizitza bateko atarian». 22 urteko gazteak aurrekariak dituela ere zabaldu dute. Erasoan, ustez, parte hartu zuen 19 urteko beste gazte bat ere atzeman zuten agenteek. Diligentziak bukatuta epailearen esku geratuko dira biak.
