Hasi dira lanak Zabaltza plazan
Maila igoko dute dena plataforma berean geratzeko, eta lanek irauten duten bitartean, trafikoa desbideratuko dute zenbait puntutan.
Zabaltza plazako lanetara bisita egin dute udaleko kideek Bukatu dira lanak Zuberoa kalean, eta dagoeneko hasiak dira Zabaltza plazakoak. Lanen ondorioz, desbideraketak izango dira Trafikoak Argentinar Errepublika kalera sarbidea izatea bermatzeko, zirkulazioa Zuberoa – Vicente Lafitte eta Juan Albisu kaleetatik bideratuko dute, bihartik hasita, hilabete eta erdiz.
Zuberoa kalean norabidea goranzkoa izango da, Zabaltza eta Vicente Lafitte artean. Handik, eskuinera biratu ahal izango da Vicente Lafitte kalean. Handi bi aukera izango dira: eskuinera Juan Albisu jaitsi (tarte horretan norabidea aldatuko da) eta Argentinar Errepublikara sartzeko. Eta ezkerrera, Juan Albisu igo eta kalearen amaieran dagoen biribilgunera iristeko.
Zabaltza plazako edukiontziak Zuberoa kalera eramango dituzte.
Maila igo
Zabaltza plazan maila igo egingo dute, dena plataforma berean geratzeko. 2 eta 7 atarien aurrean ere aparkalekuak kenduko dituzte eta espaloia zabaldu. Horrez gain, 2 eta 4 atarietan aparkatzeko gune bana egongo da bidearen bi aldeetan.
Zuberoa kaleko eta Zabaltzako lanak 6 hilabetekoa epean egingo dituzte, eta 332.073,53 euroko aurrekontua izango dute. Otegui Gaztañaga enpresari esleitu zaizkio.
