Ludopatiaren pertzepzioari eta ohiturei buruzko dei inkestak egiten hasi da udala
Guztira 200 dei inkesta egingo dituzte otsailaren 28 bitarte. Apustu jokoen irismena eta ludopatia jokabide problematikoak ezagutzea da asmoa.
Apustu etxe bat barrutik. Guztira 200 dei inkesta egingo dituzte otsailaren 28 bitarte eta adin taldearen arabera banatuko dute lagina: 25-34 urte bitartekoak eta 35-74 urte bitartekoak. Irungo Udalaren orrialdean topa daitekeen prebentzio orrian ere bete daiteke formularioa.
Ebidentziak ere bildu nahi dituzte eta horretarako, eztabaida taldeak sortuko dituzte profil zehatz hauekin: ohiko jokalariak, jokalarien senideak, ludopatiei arreta ematen dieten osasungintzako profesionalak, sendatutako jokalarien elkarteak eta joko- establezimenduetako langileak.
Hiriko joko ohituren inguruko ikerketa hau, azaroan jarri zuten martxan. Apustu jokoen irismena eta ludopatia jokabide problematikoak ezagutzea da asmoa.
