'Familia Ola' programak aurrera darrai egungo murrizketetara egokituta
Hiru jarduera antolatu dituzte eta izen ematea etzi amaituko da.
![familia ola](https://bidasoa.hitza.eus/site/files/2017/01/familia-ola.jpg)
Programaren helburua Miren Etxebeste Euskara zinegotziaren arabera, eskolatik eta antzeko leku klasiko eta formaletatik kanpo euskararen erabilpena normalizatzea da.
‘Familia Ola’ programa, 2 eta 8 urte bitarte dituzten haurren familiei zuzenduta dago, euskararen familiarteko transmisioa bermatu nahi dute.
Hainbat ekintza antolatu ditu udalak Urtxintxa Elkartearekin batera, murrizketa berriak kontuan hartuta:
– Albaola Itsas Kultur Faktoriara ibilaldi bat otsailaren 6an, goizean.
– Mozorroen eta inauterien tailerra: otsailaren 9an eta 11n, 17: 30etik 19:00etara.
– Naturarekin jolasean! Otsailaren 23an eta 25ean.
Jardueretan izen emateko epea ostiral honetan amaitzen da eta orrialde honetan egin behar da.