Ostirala bitarte Pirritx, Porrotx eta Marimototsen ikuskizunerako sarreren dirua itzuliko da
Satarka ikastetxean "gela bat baino gehiagoko" ikasleak astearte arte konfinatuta daudenez, kultura departamentuak sarreren dirua itzultzeko aukera eskaini du.
Pirritx, Porrotx eta Marimototsen larunbateko ikuskizunerako sarrerak itzultzeko aukera egongo da, Satarka ikastetxeko hainbat ikasle konfinatuta daudelako. Larunbatean eskainiko da Pirritx, Porrotx eta Marimototsen Amaren Intxaurrak ikuskizuna. Saio bikoitza egingo dute, lehena 16:00etan eta bigarrena 19:00etan. Sarrerak Arma Plazan edo Kutxabanken sarreren atarian lor daitezke oraindik.
Gauzak horrela, Satarka ikastetxean “ikasgela bat baino gehiagoko” ikasleak konfinatuta daude. Hori dela eta, ikuskizuneko sarreren dirua itzultzeko eskaera egin diote udalari hainbat gurasok. Izan ere, ikasle hauek asteartera arte egon behar dute konfinatuta.
Kultura departamentuak proposamena onartu du eta dirua itzuliko dela argitu du “normalean ez dira sarreren dirurik bueltatzen”, diote, baina kasu konkretu honetan proposamena onetsi dute.
Sarrerak paperean eraman beharko dira Arma Plaza Fundaziora eta bertan bueltatuko zaio dirua erosleari. Momentuan itzulitako sarrera puskatuko dutela jakinarazi dute, bikoizketak saihesteko asmoz.
Abenduaren 4a, ostirala, eguerdiko 14:00 arte ahalko dira egin itzulketak.
Udaletik ohartarazi dute, bueltatutako sarrerak emanaldia baino bi ordu lehenago ahalko direla eskuratu, Itsas Etxeko leihatilan.
