Hondarribiko PSE-EEk doako maskarak banatzea proposatu du, vending makinen bidez
125.000 euro bideratzea proposatu dute, txartelak egiteko eta musukoak erosteko.
Musukoak banatzeko vending makinak jartzea proposatu dute sozialistek. Musukoak doan emateko hainbat vending makina jartzea proposatu dute sozialistek. Asmoa familiei musukoen gastua txikitzea dela adierazi dute.
Euren ideia Eibarren oinarrituta dago, eta Iosu Alvarez sozialisten eledunaren ustetan 125.000 euro bideratu beharko lirateke proiektu hau gauzatu ahal izateko. 25.000 euro makinetan erabiltzeko txartelak konfiguratzeko behar direla azaldu du, eta 100.000 euro 230.000 musuko erosteko.
Amaitzeko, vending makinetaz arduratzen den enpresa batekin akordio bat lortu behar dela aipatu dute.
