Udal Euskaltegian izena emateko epea ostiralean itxiko da
2020-2021 ikasturtean matrikulatzeko epea ostiral hontan bukatuko da.
Pasa den ostiralean, irailaren 11ean, ireki zen euskara ikasteko izena-emateko epea eta aste honetako ostiralean itxiko da. Matrikulatzeko ordutegia 10:00etatik 13:00etara eta 16:00etatik 19:30era da.
Maila guztiak eskaintzen direla gogorarazi dute udaletik eta ordutegi bereziak eskaintzen dituztela baita ere. Astean bitan, hirutan edo lautan banatu daitezkeela klaseak eta era intentsiboan ere ikasi daitekeela. Hobarien eta beken aukera badago eta langabezian daudenentzat doakoa da matrikula egitea.
Erabilera bultzatzeko hainbat ekintza izango direla ziurtatu dute, mintzamena lantzeko taldeak, txangoak, sagardotegia…
Informazio gehiagorako 943 64 12 16 telefono zenbakia luzatu dute. Bestela bidali mezu bat euren helbide elektronikora edo eskuratu informazio gehiago udaleko webgunean.
