Gaurko balkoi eta leihoetako agenda (martxoak 23)
Gaurko balkoi eta leihoetako agendaren barruan bi deialdi orokor jaso ditu HITZAk. 20:00etan ohiko txalokada, eta ondoren, haurrei begirako ekitaldia.
Itxialdi egun hauetan etxebizitzetako balkoi eta leihoak arnasgune bihurtzen ari dira. Jada ezarri da hitzordu zehatz bat, 20:00etan egunero osasungintzako langileei omen egiteko txalo egitera ateratzen dira herritarrak. Baina beste hainbat ordu baliatzen dituzte herritarrek aitortza eta protesta saioak egiteko. Hori bai, den-denak etxetik, balkoi eta leihoetatik.
Honakoak, gaurko (martxoak 23, astelehena) dauden deialdi orokorrak. Hauez gain, herriz herri izan litezke gehiago. Zerrenda osatzeko, bidali HITZAra zuen deialdia posta elektronikoz.
Gaurko deialdiak (martxoak 23, astelehena)
- 19:00etan, Errenteria-Oreretako Santa Klara kaleko bizilagunek sortutako euskal kantuen jarduera.
- 20:00etan, osasungintzako langileei babesa adierazteko txalokada.
- Ondoren, haurrei animoak emateko eta egiten ari diren ahalegina eskertzeko, Pirritx, Porrotx eta Marimotots pailazoen Maite zaitut abestia kantatzeko deia.
