Maita ditzagun gure sortzaileak
2020ko pareta egutegiko protagonisten bideoak abenduan zehar ikusgai izango dira OARSO BIDASOKO HITZAren web orrian eta YouTube kanalean.
2020ko egutegiaren azala Sorkuntza izan da OARSO BIDASOKO HITZAk aukeratu duen gaia datorren urteko pareta egutegiari begira.
Hori dela eta Errenteria-Orereta, Oiartzun, Pasaia, Lezo, Irun eta Hondarribia herrietako bina sortzaileri argazki saio bat egin zaie, egutegiko hilabeteen argazkien protagonistak izan daitezen.
Hilabeteak eta protagonistak:
- Urtarrila: Igor Obeso, Irun.
- Otsaila: Lander Urkia, Errenteria-Orereta.
- Martxoa: Idoia Aizkorreta, Lezo.
- Apirila: Saioa Matxain, Errenteria-Orereta.
- Maiatza: Nexgraff (Nextor eta Aitor Otaño), Pasaia.
- Ekaina: Bidassoa Basque Brewery, Irun.
- Uztaila: Menina tailerra (Jon Ander Basterretxea eta Idoia Seijo), Hondarribia.
- Abuztua: Maixala (Maialen Irastorza), Oiartzun.
- Iraila: Juan Luis Landa, Lezo.
- Urria:Albaola Itsas Kultur Faktoria, Pasaia.
- Azaroa: Judas Arrieta, Hondarribia.
- Abendua: Maixus Jauregi, Oiartzun.
Gainera, artista hauei denei bideo bat ere grabatu zaie beraien sorkuntza tailerretan, eta eduki hau OARSO BIDASOKO HITZAren webgunean eta Youtube kanalean ikusi ahal izango da.
Maita ditzagun gure sortzaileak izena duen 2020ko egutegia abenduan zehar igoko da web orrira eta bertatik deskargatu ahal izango da guztiz dohainik.
