Minbiziaren kontra bazkalduko dute Klinken
Hilaren 31n, asteazkenez, minbiziaren kontra bazkalduko dute Hondarribiko Klink Elkartean. Bi aldetakoak musika taldeak girotuko du bazkaria eta biltzen duten dirua AECC minbiziaren kontrako elkarteko Bidasoko taldearentat izango da. Aurten, gainera, 10 betetzen dira eskualdeko AECC sortu zenetik.
Sare sozialetan Klinkek jakinarazi duenez, txartel gutxi batzuk geratzen dira bazkarirako, 20 euroan ohiko lekuetan eros daitezkeenak (Alzaga urdaitegia, Kai-Alde gozodenda, Batzokia eta Klink). Nolanahi ere, bazkaltzera joan gabe ere laguntzeko aukera dago, honako kontuan ekarpenak eginez: ES05 2095 5039 90 1061338918.
Urteko laugarren bazkaria solidarioa dute Klink elkartean. Orain arteko hiru bazkarietan 13.500 euro bildu dituzte.
