Udal brigadak Done Jakue bideko iturri bat berritu du
Arkoll auzoko Zuloagaundi baserriaren ondoan dagoen iturria da.
Done Jakue bideko Hondarribiko zatian dagoen iturri bat konpondu dute azken asteotan. Hain zuzen ere, Arkoll auzoko iturri bat da berritu dutena, Santiagotxo ermitara iritsi aurretik dagoena. “Zuloagaundi baserriaren ondoan dagoen iturria da hain zuzen ere”, zehaztu du Juan Mari Altuna Zerbitzuetako zinegotziak. “Udal Brigadako langileek eskuz egindako lana izan da”, gaineratu du Altunak.
