Dantzaburua 2019, ostiraletik igandera
Pilar Peña Dantza Eskola, Gym Jazz Kuki Garcia eta Carlos Zapirain Dantza Akademiako ikasleen saioak jasoko ditu Itsas Etxeak.
Dantzaburua 2019 iritsiko da asteburuan. Pilar Peña Dantza Eskola, Gym Jazz Kuki Garcia eta Carlos Zapirain Dantza Akademiako ikasleek ikasturtean zehar ikasitakoa taula gainean jartzeko aukera izango dute hiru egunez.
Bost saio izango dira guztira, ostiralean bat eta bina larunbat eta igandean. Saio guztiak Itsas Etxea Auditoriumean izango dira eta bakoitzeko 3 euro ordaindu behar dira. Sarrerak Arma Plazako kultur eta informazio gunean eros daitezke, edo Interneten, Kutxabanken sarreren atarian.
Ostiralean Pilar Peña Dantza Eskolaren txanda izango da, 19:30ean (erosi sarrerak). Larunbatean, Gym Jazz Kuki Garcia eskolako ikasleek dantzatuko dute, 12:00etan batzuek, eta 18:00etan gainontzekoek (erosi). Eta igandean aretoko dantzak lantzen dituen Carlos Zapirain akademiak itxiko du Dantzaburua, 17:00etan eta 19:30ean dantzatuz (erosi).
