Mendeluko jaiak iritsiko dira asteburuan
Eguzki auzo elkarteak berrogeitik gora jarduera antolatu ditu larunbat eta iganderako.
Urtean Hondarribian egiten diren lehen auzoko jaiak iritsiko dira asteburuan. Mendeluko jaiak egingo dituzte larunbat eta igandean. Pasa den igandean auzoko zaindaria den San Mikel Garikoitzen omeneko meza egin zuten Betharramen, Betiko Ametsa koruak parte hartu zuelarik.
Baina festak, hau da, txupinazo, konfeti, musika, dantza, poniak, txapelketak, herri bazkaria, aparra… eta auzoko jai on batek behar duen guztia, hori asteburu honetan iritsiko da. Berrogeitik gora jarduera programatu ditu Eguzki auzo elkarteak.
