45 urte Asturiagako segada argitu gabe
Asturiaga 1974 elkarteak hitzaldia emango du ostiralean gaztetxean. Astelehenerako omenaldia prestatzen ari dira.
Astelehenean 45 urte beteko dira. 1974ko maiatzaren 20an hil zituzten Jose Luis Mondragon arrasatearra eta Xabier Mendez santurtziarra Hondarribiko Asturiaga hondartzan. 27 eta 21 urte zituzten, hurrenez hurren, eta Guardia Zibilak eta Espainiako poliziak elkarlanean prestaturiko ekintzan hil zituzten bi gazteak.
Asturiaga 1974 elkarteak landu du gaia eta behin eta berriz salatu dute traba handiak daudela gertatu zena argitzeko. Ostiralean (hilak 17) hitzaldia eskainiko dute Hondarribiko Gaztetxean, 18:00etan, gaztetxeak berak antolatuta. Eta astelehenerako, segadaren 45. urteurrenerako, omenaldia prestatzen ari dira. 19:00etan egingo dute Asturiagako hondartzan, Mondragon eta Mendez gazteak erail zituzten lekuan.
Maiatzaren 20an krabelinak utziko dituzte Asturiagako hondartzan
