Abotsanitzek hauteskunde zerrenda aurkeztu du
Abotsanitz alderdiaren hauteskunde zerrendako kideak Udal hauteskundeetarako zerrenda aurkeztu du Hondarribiko Abotsanitz alderdiak. Oposizioko lehen indarrak 25 izen-abizenez osaturiko taldea osatu du. Haien hitzetan, “alderdiaren izenak adierazten duen modura adin ezberdineko, auzo ezberdinetako eta jokamolde ezberdinetako jende anitza” daude zerrendan. Udal parte hartzaileagoa izango du helburu Abotsanitzek hurrengo laurtekoan: “Herritarrak udalera etortzea baino, udala herritarrengana gerturatzea izango du xedea. Auzoak eta herritarrak izango dira egunerokoaren ardatz”.
Hurrengo egunetan hauteskunde programa etxez etxe banatuko dute, hamalau ataletan banatuta egongo dena: “Hirigintza, etxebizitza, gizarte zerbitzuak, kultura, kirola, ekonomia eta enplegu, euskara, alardea, udal kudeaketa, nekazaritza eta arrantza, turismoa, berdintasun departamentua, ondarea eta memoria historikoa”.
Abotsanitzen ustez, Hondarribiko Udalean “sakoneko aldaketa” behar da hainbat arlotan: “Bada garaia euskararen egoerari bultzada emateko, berdintasun departamentu bat eratzeko, bidegorri sarea osatzeko, alokairuzko etxebizitza publikoa lehenesteko, edota gertuko ekonomia jasangarria sustatzeko”.
Postaz bozkatzeko laguntza
Maiatzaren 26ko udal hauteskundeetan posta bidez bozkatu nahi dutenei laguntzeko ordutegia jakinarazi du Abotsanitzek. San Pedro kaleko egoitzan emango dituzte azalpenak, astelehen eta asteazkenetan 19:00etatik 21:00etara, eta astearte eta ostegunetan 11:00etatik 13:00etara.
Abotsanitzen hautes-zerrenda
- Igor Enparan Araneta
- Lupe Queiruga Oronoz
- Estitxu Urtizberea Sorzabal
- Aitzol Arroyo Tumas
- Ortzi Alonso Murelaga
- Josu Peña Alza
- Mayi Errasti Jauregi
- Maria Jesus Bolaños Jauregi
- Egoitz Alcaraz Franganillo
- Aritz Rivero Astiz
- Tamara Sastre Castillo
- Mikel De la Linde Ruiz
- Ane Amunarriz Izagirre
- Iker Azkue Lete
- Ion Aristizabal Verdial
- Maxuxa Larrarte Kanpandegi
- Peio Berra Darceles
- Mikel Louvelli Nieves
- Marimar Berrotaran Lekuona
- Angel Alkain Etxeberria
- Juan Ortiz Armendariz
- Miren Alkorta Barrena
- Juanan Cornejo Reyes
- Gerardo Fermin Ruiz
- Josebe Sagarzazu Antsizar
