Sei hautagaitza aurkeztu dira Hondarribian
Hondarribian sei izango dira maiatzaren 26ko udal hauteskundeetan lehiatuko diren hautagaitzak: EAJ, Abotsanitz, EH Bildu, PSE-EE, PP eta Vox.
Gaur ezagutu dira maiatzaren 26ko udal hauteskundeetara aurkeztuko diren hautagaitza guztiak. Gipuzkoako Aldizkari Ofizialean argitaratu dira zerrendak eta, Hondarribian, Vox alderdia da berritasun nagusia. Lehen aldiz aurkeztuko da Vox udal bozetan, eta Jon Kanpandegi Emazabel izango da zerrenda burua.
Sei dira maiatzaren 26ko udal hauteskundeetan Hondarribian lehiatuko diren zerrendak: EAJ, Abotsanitz, EH Bildu, PSE-EE, PP eta Vox. Aurreneko bostek ordezkaritza dute udalean eta ordezkaritza berdindu edo hobetzea bilatuko dute. Voxek, aldiz, lehen aldiz sartu nahiko du pleno aretoan.
Alkategaiei dagokionez, Txomin Sagarzazuk (EAJ), Iosu Alvarezek (PSE-EE) eta Josemi Otxotekok (PP) errepikatuko dute. Lehen aldiz zerrenda buru gisa aurkeztuko dira Igor Enparan (Abotsanitz), Xabier Isasi (EH Bildu) eta Jon Kanpandegi (Vox).
Gipuzkoako hautagaitzen zerrenda ofiziala
2015eko emaitzak
- EAJ. 4.267 boto. 10 zinegotzi.
- Abotsanitz. 1.443 boto. 3 zinegotzi.
- EH Bildu. 867 boto. 2 zinegotzi.
- PSE-EE. 810 boto. Zinegotzi 1.
- PP. 427 boto. Zinegotzi bat.
