Marmoka eta Gorpuzkingz, Gaztea Maketa Lehiaketan
Hilaren 20ra arte bozkatu daiteke.
'Izpiak' abestiaren bideokliparen grabazioko une bat Hondarribiko Marmoka eta Gorpuzkingz taldeak Gaztea Maketa Lehiaketan ari dira parte hartzen. Talde bakoitzak hiru abesti aurkeztu ditu lehiaketara, eta horietatik bat bozkatzeko aukera dago. Marmokak Izpiak abestia aurkeztu du 2019ko ekitaldira. Gorpuzkingzek, aldiz, Atzeko khalea.
Behin behineko sailkapenean lehen hamarren artean kokatuta daude Psilocybenea Musika Elkarteko bi bandak.
Hilaren 20ra arte bozkatu daiteke. Egun horretan erabakiko da zeintzuk bost talde sailkatuko diren finalera. Apirilaren 5ean egingo dute finala Bilboko Kafe Antzokian eta bi bozkatuenak eta epaimahaiak erabakitako beste hiru talde igoko dira oholtzara.
Irabazleak 5.000 euro jasoko ditu. Beste bi sari daude: entzuleen saria (2.500 eurokoa), eta Kafe Antzokiak ematen duena (300 euro).
Gorpuzkingz taldeak 2018ko Blagan Egunean emandako kontzertuko une bat
