Hasi dira Jaizkibel 'amezten'
Talaia institutuko Zientzia Aplikatuko ikasleak ametzak aldatu dituzte gaur goizean mendian. Ametzari bere tokia itzuli nahi diote.
Japoniar gaztainadian Aranzadik sorturiko soilgunean aldatu dituzte ametzak Gizakiak esku hartu izan ez balu, Jaizkibel mendiaren ia %89 ametzez beteta legoke. Hamar hektareatik ia bederatzi, eta, haritzak gehituz gero, %96tik gora. Egun, eremu osoaren %12 da basoa, eta ametzek mendiaren %5-6 inguru baino ez dute betetzen.
Hondarribiko Talaia institutuko Zientzia Aplikatuko ikasleek amets bat izan dute, ametzez beteta irudikatu dute euren herriko mendia, eta Jaizkibel ameztu programa sortu dute. Urrian ezkurrak biltzera irten ziren, institutuko gainontzeko ikasleen laguntzarekin ernaldu egin dituzte eta, gaur goizean, hazitako ametzak aldatzera itzuli dira mendira.
Ostiralean, gaurko jardunaldiko argazkiekin osatutako galeria argitaratuko dugu Bidasoko HITZAren webgunean.
Irakurri Ametzetatik errealitatera erreportajea, Gipuzkoako HITZAn
