Irabaztea falta zaio
Hondarribia Futbol Elkarteko Ohorezko Mailako taldeak 1-1 berdindu zuen larunbatean Oiartzunen kontra, 21. jardunaldiari zegokion partidan. Oiartzuarrak aurreratu ziren 8 minutuan, penaltiz. Iñigo Percazek buruz berdindu zuen, 63.ean. Bi taldeek aukera garbiak izan zituzten bigarrena sartzeko, baina banakako emaitzarekin bukatu zen norgehiagoka (ikusi bideoa, behean).
Bigarren aldia da denboraldian zehar bi partida jarraian galdu gabe egin dituela taldeak; aurrekoa 14-15 jardunaldietan izan zen, Añorgari irabazi eta Beti Gazterekin berdindu zuen taldeak.
Azken bi partidetan galdu ez duen arren, ez du irabazi ere, eta zulotik ateratzeko hirunaka zebatu behar du ezinbestean. Hamar puntu ditu Hondarribiak, eta 24 puntu salbatuko litzatekeen lehen taldeak (3. Mailatik jaisten diren talde gipuzkoarren arabera).
Hurrengo partida aurkari zuzen baten kontra jokatuko du Hondarribiak, Deusto Donostiarekin. Sailkapenean postu bat goitik daude donostiarrak, 16 punturekin.
Ohorezko Erregionala Maila. Hondarribia – Oiartzun. 2019.02.09.Ohorezko Erregionala Maila.Hondarribia – Oiartzun.2019.02.09.
Publicada por Hondarribia Futbol-Elkartea en Domingo, 10 de febrero de 2019
