[GALERIA] Arraunlarien festa, bedeinkatuta

Aurten irabazitako banderak bedeinkatu dituzten gaur Hondarribian

Olatz Mitxelena

2018/11/24

Amabitxi lanak Maria Pilar Goikoetxeak egingo ditu, Ioseba Amunarriz patroiaren amak.

Egun handia da gaurkoa Hondarribiko arraunlari eta elkarteko kideentzat. Lege zaharrari jarraituta, aurten irabazitako hamalau banderak bedeinkatu dituzte Meza Nagusian, eta ondoren bazkaltzera eta festara bildu dira denak.

Elizarainoko bidea desfilean egin dute goizean, etxafuegoak iragarle, Abiyuan txaranga buru, udal agintariak lagunduta, eta herritarren txalo artean. Parrokiako meza bukatuta, berriz, Hermandadera eraman dituzte bedeinkatutako bandera denak, ohi bezala, Arrantzaleen Kofradiari emateko. Kofradiaren inguruan, bestalde, goiz-goitik, trapu historikoak zintzilik izan dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.