Erdialdeko Amerikako emakumeen borroka, gaur, Emeki elkartean

'Nosotras centroamericanas' dokumentala proiektatuko eta gero solasaldia egingo dute, Hondurasko Cofadeh erakundeko Noemi Perezekin.

Asier Perez-Karkamo

Hondarribia

2018/11/13

Amerikako giza eskubideen borroka laburbiltzen du Emekiko erakusketak

Erdialdeko Amerikako emakumeak, horixe izango da gaur arratsaldean Hondarribiko Emeki elkartean 19:00etatik aurrera landuko duten gaia. Unai Aranzadi gerra kazetariak grabaturiko Nosotras centroamericanas dokumentala proiektatuko dute (behean trailerra) eta ondoren, solasaldia egingo dute Cofadeh erakundeko Noemi Perezen parte hartzearekin. Hondurasko erakundea da Cofadeh, zigorgabetasun oro borrokatzeko eta desagerturarazpenen biktimen memoria kolektiboa bizirik gordetzeko lanean diharduena. Darabilten borroka dela-eta, askotan mehatxuak, jazarpenak eta erasoak jasaten dituzte bai Codadeh-ko kideek, bai euren senideek. Puntaleko eskola zaharrera hurbiltzen direnek (Molla etorbidea, 1), gainera, Vivir defendiendo derechos erakusketa ikusteko aukera izango dute. Ipar, Erdialdek eta Hego Amerikan giza eskubideen aldeko borrokaren laburpen grafikoa da, 20 kontakizunetatik abiatuta. Aurreko astean ireki zute eta igandera arte bisitatu daiteke. Irudikoa, hain zuzen ere, Cofadeh-ko presidente Bertha Oliva da, gaurko hitzaldia emango duen Noemi Perezen erakundeko kidea. Bai gaurko proiekzioa, baita erakusketa ere, Mundubat Gobernuz Kanpoko Erakundearekin elkarlanean antolatu du Emekik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.