Amua Festibalerako sarrerak eta gonbidapenak, eskuragai

Arma Plazan lor daitezke Black is Beltza eta Go!azen 5.0 ikusteko gonbidapenak, baita Bohemian Rhapsody-rako sarrerak (7 euroan) ere.

Asier Perez-Karkamo

Hondarribia

2018/10/26

‘Bohemian Rhapsody’ filmeko fotograma bat

Gaurko goizeko hamarretan abiatu da Amua Festibalaren lehen ekitaldiko proiekzioetarako sarrerak eta gonbidapenak lortzeko aukera. Azaroaren 2an eta 3an egingo dute Itsas Etxean Amua Festibala eta, besteak hainbat ekitaldiren artean, Queen taldeari buruzko Bohemian Rhapsody filmaren estreinaldia (ostiralean, 20:00etan), Fermin Muguruzak zuzenduriko Black is Beltza filma (larunbatean, 19:30ean), Geremy Jasperren Patti Cake$ (larunbatean, 16:30ean), eta Go!azen 5.0 telesailaren lehen kapituluaren aurre-estreinaldia (larunbatean, 11:00etan) proiektatuko dituzte. Arma Plazako turismo bulegoan lor daitezke Patti Cake$, Black is Beltza eta Go!azen 5.0 ikusteko gonbidapenak, baita Bohemian Rhapsody-rako sarrerak (7 euroan) ere. Proiekzio guztiak jatorrizko hizkuntzan eta azpitituluekin (Go!azen ezik) proiektatuko dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.