Hazian ez bada ere, "borrokan" jarraituko duela dio IAk

Angula Berria webgunera bidalitako ohar batean, Ikasle Abertzaleak-ek adierazi du "azken aldiz" erabili duela Hazia kultur elkartea, eta gertaera hori "maila nazionalean ezker abertzaleak gauzatutako hausturaren emaitzetako bat" dela.

Aizpea Amas

Irun

2018/10/23

Hazia elkartearen irudi bat Hazia Libre leloarekin, herriko tabernen auziaren testuinguruan.

Angula Berria webgunera bidalitako ohar batean, Ikasle Abertzaleak-ek adierazi du “azken aldiz” erabili duela Hazia kultur elkartea, eta gertaera hori “maila nazionalean ezker abertzaleak gauzatutako hausturaren emaitzetako bat” dela. Azken hilabeteetan ikasle mugimenduko kideek euren jarduera garatzeko “trabak” izan dituztela esan du, eta “gatazka ideologikoa gainditzen duten eraso pertsonalak” jasan dituztela. Ezker abertzalearekin egindako bileran, IAren iraganeko helburuak alde batera uzteaz gain, haien aurka jardutea egotzi zietela azaldu du IAk. Zentzu horretan, betiko ildoa mantendu duela eta ez duela “ezker abertzalearen aurkako erasorik, ekintzarik edo adierazpenik egin” zehaztu du. Haatik, “batasun erreal bat lortzeko elkarlanerako prest” daudela berretsi du. Ildo horretatik, Bidasoko ezker abertzalearen oinarria horretaz guztiaz kontziente den galdetu du. “Argi utzi nahi dugu gu ez garela inolaz ere kikilduko; gure helburuak diren independentzia, sozialismoa eta feminismoaren alde borrokatzen jarraituko dugu hezkuntzaren eremuan”, ondorioztatu du. “Siglen kontua alde batera utzita” borrokatzeko grina duen ikasle orori eurekin bat egiteko deia luzatu diote.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.