Lehen hiru partidetan 27 gol sartu ditu Hondarribiak
Gorengo Mailako taldeak erraz irabazi dio Herrerako Sportingi. Hurrengo asteburuan atseden izango du Ainhoa Iñarraren taldeak.
Hondarribiak 0-18 irabazi zion atzo Donostian Herrerako Sporting taldeari, emakumeen Gorengo Mailako hirugarren jardunaldian. Probintziako ligen berregituraketaren ondorioz —Gazte Maila desagertu da eta seniorretan bi mailetan banatu dira taldeak— Gorengo Mailako talde batzuei sufritzea tokatuko zaie aurten, eta Herrerakoa da horietako bat.
Hala, Hondarribiak erraz lortu zuen ligako hirugarren garaipena, nagusitasun osoz. Maite Riverak 5 gol sartu zituen, Norak, Mirenek, Kaialek eta Ekhiñek 3na, eta Garazik beste bat. Lidergoan Intxaurdirekin berdinduta dagoela (ikusi sailkapena), hurrengo asteburuan Hondarribiak atseden hartuko du.
Hain zuzen ere, Intxaurdi izango da hondarribiarren hurrengo aurkaria. Hilaren 21ean jokatuko dute, Donostian.
Hondarribiko kirol emaitzak
(artxiboko argazkia)
