Adineko Pertsonen Astearen barruan hainbat ekintza egiten ari dira.
![Irasoko taberna - jatetxea](http://bidasoa.hitza.eus/site/files/2018/10/Iraso_1.jpg)
Irasoko taberna – jatetxea
Joan den astelehenetik irekita dago Iraso gizarte zentroko taberna-jatetxea. Hiriko bigarrena izango da, Luis Mariano zentroan ere badago-eta ildo horretako beste taberna-jatetxe bat.
Astegunetan, 09:00etatik 20:00etara dago zabalik (asteartetan itxita), eta asteburuan 11:00etatik 21:00etara.
Adineko Pertsonen Egunarekin batera ireki zuten zentroa. Hain zuzen, aste guztian zehar ari dira beraientzako hainbat ekintza egiten Irunen. Gaur, Palmera Monteron, Mikroadinkeriak tailerra egingo dute, 18:00etan. Bihar, Irason bertan, dantza erakustaldia eta Gure Altxorreko bazkideei omenaldia egingo diete, 11:00etatik aurrera. Etzi, San Miguelen, Ametsa Gazte abesbatzak kontzertua emango du, 18:00etan.