Partida bakarrera jokatuko da lehia, hilaren 17an, Ciudad Realen.
![](http://bidasoa.hitza.eus/site/files/2018/10/bidasoa-eskubaloia.jpg)
Asobal Ligako Bidasoa-Guijosa partida.
Hilaren 17an neurtuko dituzte indarrak Bidasoak eta Alarcos taldeek Espainiako Kopako bigarren kanporaketan. Atzo erabaki zen neurketa hori zozketa bidez.
Partida bakarrera jokatuko da lehia, eta Ciudad Realgo Quijote Arenan izango da datorren asteazkenean.
Alarcos Zilarrezko Mailan aritzen da. Hain zuzen, sailkapen fase hori zortzi taldek jokatuko dute: joan den denboraldian Asobal Ligako sailkapenean geratu ziren azken sei taldeak eta maila gorenera igotzea lortu zuten bi taldeak.