Betaurreko moreak, jaietan eraso sexistei aurre egiteko

5.000 betaurreko, beste horrenbeste boligrafo, eta 2.000 txano banatuko ditu Hondarribiko Udalak jaiei begira, eraso sexistak ekiditeko.

Asier Perez-Karkamo

Hondarribia

2018/08/28

5.000 betaurreko more banatuko dituzte larunbatetik aurrera

Ez beti da ez lelodun eta kolore moreko 5.000 betaurreko, beste horrenbeste boligrafo, eta 2.000 txano banatuko ditu Hondarribiko Udalak jaiei begira. Horiez gain, zientoka kartel eta mehatxu sexista baten aurrean zer egin azaltzen duten diptikoak argitaratu dituzte. Hondarribiko jaietako egitarauaren aurkezpena egin du gaur goizean udalak. Bertan, Arantxa Berrotaran Gizarte Zerbitzuetako zinegotziak, jaietan indarkeria matxistaren kontra hartuko dituzten neurriak zerrendatu ditu. Berrotaranek azaldu duenez, larunbat honetako Gazte Egunean Zumardian, irailaren 6an Butron pasealekuan eta 9an San Pedro kalean, karpa informatiboak jarriko ditu udalak Emagin elkartearekin elkarlanean; lehen bi egunetan 18:00etatik 20:00etara, hirugarrenean 19:00etatik 21:00etara. Zalantzak argitzeaz gain, diptikoak, txanoak, betaurrekoak eta boligrafoak banatuko dituzte postu informatibo horietan. Polizien koordinazioa Neurri hauen guztien helburua “kontzientziatzea” dela nabarmendu du Berrotaranek, eraso sexistarik gabeko jaiak lortze aldera. Udaltzaingoa eta Ertzaintza dagoeneko koordinatuta daudela gaineratu du, eta erasoak ekiditeko zaintza lanetan errefortzuak egongo direla.

Hondarribiko Jaiak 2108. Egitaraua

Ikusi iazko jaietako argazki onenak

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.