Kaifest, kaipote baino askoz gehiago

Beste hainbat ekitaldien artean, olatu handien surflariei buruzko 'Vague à l'Âme' dokumentala proiektatuko dute aire librean.

Asier Perez-Karkamo

Hondarribia

2018/08/27

‘Vague à l’Âme’ dokumentalaren irudi bat

Kaifest antolatu dute asteazkenerako kirol kaian, udarari amaiera emateko. Badira hilabete batzuk bertako tabernetan kaipotea egiten hasi zirela asteazkenero. Horrez gain, uztaileko azken asteburuan eta abuztuko orain arteko hiruretan, kontzertuak antolatu dituzte, Minatera kaleko udarako giroa musikaz bustiz. Oraingoan, festa handia antolatu dute denboraldiko pertsiana jaisteko. Basquek, Curry Verdek, Casa Santamariak, Kalimak eta Rodeok antolatu dute asteazken arratsaldeko festa, eta hainbat jarduera prestatzen ari dira hurbiltzen diren guztientzat: tailerrak, gaueko merkatua, Gussy abeslari nafarraren kontzertua… Jaia bukatzeko, olatu handien surflariei buruz Vincent Kardasikek filmatutako Vague a l’ame dokumentala proiektatuko dute aire librean (trailerra, behean). Arratsaldeko laurak eta erdietan hasiko da Kaifest jaia, eta gaueko 23:30ak arte luzatuko da.

Ikusi egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.