Eilen Jewell ikusteko bi sarrera zozkatuko ditu HITZAk gaur

Igandean joko du 'countryaren printzesak' Hondarribiko Itsas Etxea Auditoriumean, Psilocybe musika elkartearen 25. urteurrenaren barruan.

Asier Perez-Karkamo

Hondarribia

2018/07/26

Eilen Jewell eta bere taldea

Oarso Bidasoko HITZAk bi sarrera zozkatuko ditu gaur harpidedunen artean Eilen Jewellek igandean Itsas Etxea Auditoriumean emango duen kontzerturako, bi harpidedunentzat sarrera bana. Arratsaldeko lehen orduan egingo da zozketa eta biharko papereko edizioan jakinaraziko dira irabazleen izenak. Parte hartzeko Txokoa atalean sartu eta galdetegia bete egin behar da. Country garaikidearen musikari nabarmenduenetako bat da Jewell, baina bere folkak gehiago edaten du blues, rock, edo rockabilly-tik, countryaren erro tradizionaletatik baino. Hala, bere seigarren diskorako hainbat blues abesti zahar eta ausarten moldaketak egin zituen. Iazko irailean argitaratu zuen Down Hearted Blues lana, eta kritikak oso ondo jaso zuen apustua. Blues, rock, edo americana zalea badin bazara, ezin duzu galdu Psilocybe musika elkartearen 25. urteurreneko emanaldi berezienetako bat. Kontzertua 20:30ean hasiko da. Sarreren prezioa 7 eurokoa da, eta Arma Plazako turismo bulegoan eta Interneten eros daitezke. Agortuko ez balira, igandean Itsas Etxeko leihatilan jarriko dituzte salgai, emanaldia hasi baino bi ordu lehenago hasita.

Harpidetu zaitez

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.