Alcalako exhumazio prozesuan hasi ziren dokumentala errodatzen
Aste honetan, Jesus Carreraren memoria zabaltzeko crowdfunding kanpaina abiatu du bere familiak goteo.org atarian. Buruzagi komunista izandakoaren “borroka militante bizitza” balorean jarri nahi dute, eta dokumental bat errodatzen ari dira horretarako. Hala, Alcalako exhumazio prozesuko irudiak jaso zituzten (ikusi bideoa behean), larunbat honetan egingo zaion omenaldia ere filmatuko dute, eta eduki gehiagoz osatuko dute lana: “Osabaren bizitza kontatuko du dokumentalak, eta hainbat elkarrizketa egingo dira, ikerlariei, memorian adituak direnei, senideei, eta abar”, azaldu du Argi Carrera Susperregik, Jesus Carreraren ilobak. “Era berean, akuilua izatea nahiko genuke, guk egin dugun bezala, hobietan senide, lagun edo ezagun desagertuak dituzten pertsonek urratsa eman dezaten”, gaineratu du.
Crowdfunding kanpainarekin, “Jesus Carreraren memoria zabaldu eta gizarteratu eta ahal den heinean Memoria Historikoa berreskuratzen lagundu” nahi dutela nabarmendu du buruzagi komunistari buruzko ikerketa burutu duen Aitzol Arroyo historialariak.
Astelehenean abiatu zuten kanpaina eta dagoeneko hasi dira ekarpenak jasotzen. 2.200 euro da lortu beharreko gutxienekoa, baina dokumentalaren gastuak berdintzeko 3.600 euro beharko lituzkete. Hamar, 25, 50, 100 edo 300 euroko diru laguntzak eman daitezke, eta ekarpen bakoitzak bere saria du, familiaren esker mezutik hasi, grabatuko duten dokumentalean aipamena agertzeraino. 25 euro edo gehiagorekin laguntzen dutenek, dokumentalaren kopia bana jasoko dute bukatzen dutenean.
Omenaldia, larunbatean
Larunbat honetan egingo diote omenaldia Jesus Carrerari Hondarribiko hilerrian, 12:00etan. Aranzadik PCEko idazkari nagusi izandakoaren gorpuzkiak entregatuko dizkio familiari larunbat goizean, eta eguerdian lurperatuko dituzte familiaren panteoian. Hobiratzea pribatua izango dela jakinarazi dute, baina aurretik omenaldi publikoa egingo zaio.
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
