Pintaketa faxistak egin dituzte berriro Hondarribian
Auzotarrek ezabatu dituzte goizean eta udal brigadak abisua jaso du, guztiz garbitzeko.
Pintaketa faxistak egin zituzten bart gauean Hondarribian. Muliate inguruan bi pintaketa agertu dira goizean, Viva España, eta Que no os engañen, Vascongadas es España lelodunak. Lehenengoa, Muliateko babes ofizialeko etxebitzetako horma batean egin dute, bigarrena etxebizitza berrien lanentzako etxola batean. Batak zein besteak, neonaziek erabiltzen duten gurutze zelta zuten ondoan. Portuan ere egin dituzte antzerakoak.
Auzotarrek ezabatu dituzte goizean eta udal brigadak abisua jaso du, guztiz garbitzeko. 2015eko abenduan ere azaldu ziren ideologia faxistako pintaketak Hondarribian, Soroeta auzoan. Orduan, sieg heil (garaipen osoa, alemanez) mezua margotu zuten. Aste batzuk lehenago, eduki xenofoboko mezuak azaldu ziren Alde Zaharrean, Kale Nagusiko sarreran eta parrokian; gaztelaniaz idatzita zeuden.
Auzotarrek ezabatu dituzte mezuak
Erlazionatutako edukiaPintaketa faxista bat azaldu da Soroeta auzoan
