Bihar hasiko da jaialdia, Canned Heat taldearen emanaldiarekin. Larry Taylor baxuak eta Fito de la Parra bateriak Hondarribia Blues saria jasoko dute.
![Hondarribia Blues Axalian](http://bidasoa.hitza.eus/site/files/2018/07/20180711_100351.jpg)
Herriko saltoki askok erakusleihoak txukundu dituzte jaialdirako
Bihar hasiko da
Hondarribia Blues jaialdiaren 13. ekitaldia, eta dagoeneko sumatzen da herrian. Langileak azpiegiturak muntatzen dituzten bitartean, saltoki askok euren erakusleihoak apaindu dituzte, blues zaleei harrera egiteko (irudian, Muliate plazako Axalian arte tailerra).
Indartsu hasiko da jaialdia, lehen jardunaldian Canned Heat talde handiaren deskarga izango baita. Disko gehien saldu dituen blues taldea da Los Angeleskoa, eta talde sortzaileko bi kiderekin igoko dira oholtzara. Larry Taylor baxuak eta Fito de la Parra bateriak aurtengo Hondarribia Blues saria jasoko dute.
Aurretik,
Noa Voll Damn & The Hell Drinkers donostiarrek eta
Jt Lauritsen & The Buckshot Hunters norvegiarrek berotuko dituzte zaleak.
Biharko hiru kontzertuak Benta eszenatoki nagusian izango dira, baina salbuespena da hori. Izan ere, ostiraletik igandera, beste lau eremutara zabalduko da blues zaparrada.