Ez da egun normala, astelehena, ezta ohiko ordutegia ere; ateak, 19:00etan irekiko dituzte. Baina esfortzuak mereziko du seguru. Ekainaren 4an, esan bezala astelehenez, Shellac rock banda estatubatuar handiak bisitatuko du Hondarrribiko Psilocybenea aretoa. Lyongo Decibelles (indie pop, punk) hirukoak joko du aurretik, 20:00etan, eta ondoren iritsiko da Chicagokoen deskarga.
AEBetako underground rock talde onenen zerrendan ezinbestean ageri da Shellac. 1992 urtean sortu zen banda, Steve Albini (gitarra eta ahotsa), Bob Weston (baxua) eta Todd Trainer (bateria) elkartu zirenean. Aurretik, musika independentean erreferente ziren beste taldeetan aritutakoak ziren hirurak eta, ezinbestean, talde handi baten sorrera izan zen hura. 26 urte geroago, elkarrekin jarraitzen du hirukoteak, hasierako jarrera berdinarekin, eta eskarmentuaren gehigarriarekin.
Euren hitzetan, rock minimalista egiten dute, baina noisetik eta math rocketik gertu mugitzen dira, rockaren eta hardcorearen arteko mugak lausotuz. Taldea sortu eta bi urtera lehen diskoa atera zuten, euren asmoak argi utzi zituen At Action Park. Hura izan zen bilduma bikainen zerrendako lehena. Gerora etorri ziren, Terraform (1997), 1000 Hurts (2000), Excellent Italian Greyhound (2007), edo orain arteko azkena, Dude Incredible (2014).
Shellacen estudioko lanak biribilak dira, eta ez da harritzekoa, Weston eta Albini sona handiko soinu ingeniari direlako eta askotariko taldeen lanak grabatu dituztelako (Pj Harvey, Pixies, Nirvana, The Ex, Rodan, Mission of Burma…). Eta zuzenean, suntsitzaileak, oso talde gutxi dira gai Shellacek oholtza gainean transmititzen duen energia sortzeko.
Bi sarreren zozketa
Psilocybe Musika Elkartearen 25. urteurreneko kontzertu handienetako bat astelehenez iritsiko da. Sarrerak 21 euroan daude Interneten, eta 25 euroan jarriko dituzte leihatilan, aurretik agortzen ez badira. Oarso Bidasoko HITZAko harpideduna bazara, doan joan zaitezke, bi lagunentzako sarrera bana zozkatuko ditugulako.
Bost egunera, ekainaren 9an, The Scientists Australiako post punk laukotea igoko da Mendelu aukoko aretoko oholtzara. La Secta izango dute talde laguntzaile bezala. Egun horretarako ere bi lagunentzako sarrera bana zozkatuko ditugu. Parte hartu!
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
