Moaning kaliforniarrek joko dute Psilocybenean

Oarso Bidasoko HITZAk bi sarrera zozkatuko ditu Moaning taldearen kontzerturako, bi harpidedunentzako sarrera bana.

Asier Perez-Karkamo

2018/04/12

Moaning talde kaliforniarra

Moaning post punk hirukote kaliforniarrak Hondarribiko Psilocybenea aretoan joko du hilaren 20an, ostirala. Oso gazteak diren arren, eta haien lehen diskoa aurkeztera datozen arren, haien doinuak entzutean eskarmentu handiko musikarien aurrean gaudela iruditzen zaigu. Barneak urratzen dituen post punka, zuzenekoetan shoegazerako joeraduna, behin entzunda burutik kendu ezingo dituzun melodiak, hori da Moaningen proposamena. The Pixies, New Order, Melvins taldeak gustuko badituzu, ezin duzu urteko biretako bat izango dena galdu. Moaningen aurretik, Yellow Big Machine bilbotarrek joko dute. Sarrerak 1o euroan eros daitezke Interneten, eta 13 euroan Psilocybeneako leihatilan. 21:00etan irekiko dituzte ateak eta 22:00etan hasiko da bilbotarren emanaldia. Ondoren joko dute estatubatuarrek.

Bi sarreren zozketa

Oarso Bidasoko HITZAk bi sarrera zozkatuko ditu Moaning taldearen kontzerturako, bi harpidedunentzako sarrera bana. Parte hartzeko sartu Txokoa atalean, eta bete galdetegia.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.