Uda Jolas programa zabaltzeko eskatu du PSE-EE-k
200 parte hartzaileen muga kentzeko eskatu dio Iosu Alvarezek udal gobernuari, eta errenta baxuko familientzako hobariak ezartzeko.
Uda Jolas 5-11 urtekoentzako oporraldi programan izena ematen duten haur guztiak onartzeko eskatu du Hondarribiko PSE-EE udal taldeak. Azken urteetan 200 lagunentzako tokia eskaini du udalak eta urtero-urtero izaten dira parte hartu ezin dutenak.
Iosu Alvarez bozeramaile sozialistak inor kanpoan ez uzteko eskatu du: “Iaz 30 haur geratu ziren kanpoan. Hondarribian adin tarte horretan 1.310 haur daude, eta horregatik eskaintza handitzeko eskatzen dugu, eta izena ematen duten guztiek parte har dezaten”.
Aurrekontuen eztabaidan eskaera hori bera egin zuten sozialistek eta, onartu ez zen arren, udal gobernuak esan zuen aztertuko zuela. Eskaintza handitzeaz gain, Ondorio Askotarako Errenta Adierazle Publikoa (Iprem) hiru bider gainditzen ez duten familientzako hobariak eskatu ditu PSE-EEk.
Martxoa bukaeran egin zen Uda Jolas 2018rako aurretiko izen ematea. Uztailan burutzen da programa, egoitza Bordari ikastetxean duelarik.
Aurrekontuen eztabaidan eskaera hori bera egin zuten sozialistek eta, onartu ez zen arren, udal gobernuak esan zuen aztertuko zuela. Eskaintza handitzeaz gain, Ondorio Askotarako Errenta Adierazle Publikoa (Iprem) hiru bider gainditzen ez duten familientzako hobariak eskatu ditu PSE-EEk.
Martxoa bukaeran egin zen Uda Jolas 2018rako aurretiko izen ematea. Uztailan burutzen da programa, egoitza Bordari ikastetxean duelarik. 
