Ranking Joe abeslari eta DJ jamaikarrak Psilocybenea aretoa sutan jarriko du larunbatean (hilak 7), Psilocybe Musika Elkarteak bere 25. urteurrenaren barruan antolatu duen reggae jaialdi itzelaren barruan. Psilocybek nabarmendu duenez, fast style reggean mitikoa da Joe: “Jamaikako sound systemen urrezko garaian hezita, 1970eko hamarkadan hasi zuen ibilbide artistikoa. Fast Style joeraren barruan lortutako arrakastak mundu osoan zehar eraman du. Euskal Herrian hainbat aldiz abestutakoa da, beti giro paregabea sortuz riddim klasiko eta modernoen gainean kantatuz”.
Kingstonekoarekin batera bere lagun handi bat igoko da oholtzara, General Lee —beheko bideoan elkarrekin abesten ageri dira—. Eta platoen ardura, Selektah Stepi irundarrarena izango da. “Hirugarren aldia da moskutarrak eta bi jamaikarrak taula berean elkar topo egingo dutena”, gaineratu dute antolatzaileek.
Sarrerak 13 euroan salduko dituzte leihatilan, baina Internetez 10 euroan lortzeko aukera dago (hemen). Ateak 21:00etan irekiko dituzte eta 22:00etan hasiko da musika. Aurrena, Urbi Selektah eta Mountain Sound DJak ariko dira giroa berotzen, berotzeko behar handirik izango ez den arren. Ondoren azalduko dira Ranking Joe, General Lee eta Selektah Stepi.
Bi sarrera Moaning entzuteko
Pixkanaka-pixkanaka gerturatzen ari dira Psilocybe elkartearen 25. urteurrena eta Psilocybenea aretoaren 10.a ospatzeko ekitaldiak. Garrantzitsuenak udara aldean izango dira eta gutxi barru emango dute horien berri. Baina zain egon gabe, Mendeluko kontzertu aretoa askotariko kontzertuak ari da jasotzen aurten, urte berezia delako seinale.
Hil honetan bertan, apirilaren 20an, Moaning post punk hirukote kaliforniarrak joko du Psilocybenean eta Oarso Bidasoko HITZAk bi sarrera zozkatuko ditu harpidedunen artean (parte hartu).
Yellow Big Machine bilbotarra izango da Los Angeleskoen talde laguntzailea.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.