Ikastaro bukaerako froga gaindituz gero, sorosle titulua lortzeko aukera izango da.
Alde teorikoa eta praktikoa landuko dituzte
Hurrengo astelehenean (hilak 9) hasita, sorosle eta lehen sorospen ikastaroa egingo du Gipuzkoako DYAk
Hondarribiko egoitzan. Hiru astekoa izango da, eta euskaraz emango dute. Astelehenetik ostiralera izango dira klaseak, 19:00etatik 21:00etara.
DYAk azaldu duenez, herritar guztientzako ikastaro irekia da: “Ez da beharrezkoa aurretik ezagupenik izatea. Egunerokotasunean aurki ditzakegun arrisku egoerei nola erantzun irakatsiko da: bihotz eta birika suspertzea, zauriak, hausturak, erredurak… Ezagupen oso arruntak, baina oso lagungarriak izan daitezkeenak”.
Ikastaroan alde teorikoa eta praktikoa landuko dituzte, eta bukaeran froga egingo zaie parte hartzaileei: “Ikastaro amaierako frogak gainditzen dituenak, DYA Gipuzkoak eskaintzen duen Sorosle Titulua eskuratzeko aukera izango du”, gaineratu du DYAk.
Parte hartzaile kopurua mugatua da, eta prezioa 110 eurokoa. Izena emateko, edo informazio gehiagorako 943 46 46 22 telefono zenbakira deitu behar da.