Paddington hartzaren itzulera, larunbatean, Itsas Etxean

'Paddington 2' filma proiektatuko dute larunbatean Hondarribiko Itsas Etxea Auditoriumean, euskaraz. Sarrerak 3 euro balio du.

Asier Perez-Karkamo

Hondarribia

2018/03/21

Lapurtzat hartuko dute Paddington eta errugabe dela erakutsi beharko du

Paddington 2 film luzea proiektatuko dute larunbatean Hondarribiko Itsas Etxea Auditoriumean, euskaraz. 18:00etan hasiko da emanaldia eta sarrerak 3 euro balio du. Dagoeneko Arma Plazan eros daitezke, edo Interneten. Michael Bond idazle britainiarrak idatzitako ipuinetan oinarritutako filma da. Paul King da zuzendaria, eta aktore-multzoan izen ezagunak daude: Ben Whishaw, Sally Hawkins, Hugh Grant, Brendan Gleeson… 2017 bukaeran estreinatutako pelikula da, hiru urte lehenago arrakasta itzela izandakoaren jarraipena. Lehen filman Peruko oihanetik Ingalaterrara egindako saltoaren ondoren, bigarren honetan Londresen bizi da Paddington, Brown familiaren etxean. Oihanean geratu zen Luci izebak ehun urte beteko dituela oroitzen da, eta Gruber jaunaren dendan ikusi duen trokelatutako liburu berezi bat erosi nahiko dio. Horretarako, lanean hasi beharko du. Baina egun batean, liburua lapurtuko dute, eta poliziak hartza atxilotuko du, lapurra delakoan. Errugabe dela erakutsi beharko du Paddingtonek. Abentura, emozioa, eta momentu goxo asko biltzen ditu Paddington 2 filmak. Aukera ezin hobea aste santuko oporraldi luzea familian hasteko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.