Ostegunean, pintxo pote musikatua zerbitzatuko dute paradorean
Hilaren 23an Koldo Ortegak hitzaldia emango du eta eraikin historikoa barrutik bisitatzeko aukera izango da.
Pintxo pote musikatuak eskaintzen hasi da Hondarribiko Carlos V Paradorea. Ostegunero kulturari lotutako jarduera bat antolatzen ari dira eta, ostegun honetan (hilak 15), Susana Rallo pianistak girotuko du gazteluko kafetegia, 19:30etik 20:30era, pintxo potera hurbiltzen direnen gozamenerako.
Aurten urteurrenean daude Arma Plazako gazteluan, Paradores sareak 90 urte betetzen dituelako. Hori horrela, Koldo Ortega historialariak hitzaldia eskainiko du hilaren 23an (ostirala), eraikin historikoko hitzaldi aretoan. Hondarribiko hiriaren eta turismo paradorearen arteko harremanaz mintzatuko da Ortega. Egun horretan, gainera, paradorea bisitatzeko aukera izango da, eta pintxo pote berezia eskainiko dute kafetegian.
Hondarribiko Paradorearen ataria
