Beirak joko du lehenago, ondoren Maider Zabalegiren taldeak
Oiartzun aldetik Itsas Etxea Auditoriumera joango dira bihar, disko berria besapean, Jon Martinen Beira taldekoak zein Maider Zabalegi eta bere kuadrilla. Iaz kaleratu zituzten Braillean eta Zuei diskoak, hurrenez hurren (behean, bi taldeen bideoklip bana), eta disko horiek aurkeztuko dituzte Hondarribian.
Bi protagonistak oiartzuarrak izanagatik, badute Hondarribiarekin zerikusia. Beira taldeko gitarristetako bat, Gari Amundarain hondarribiarra da, Egiluze-San Jose ikastetxeko irakaslea. HITZAri urduri dagoela esan dio, kontzertu berezia izango delako: “Niretzat izugarri berezia izango da Braillean Hondarribian aurkeztea, arrazoi askogatik. Etxean jokatzeak beti eskaintzen du babesa baina, maila berean, baita erantzukizuna ere. Beiraren jarraitzaileez gain, maite nauten pertsona askok lagunduko didate, gurasoek, bikoteak, ikasleek…”
Zabalegiren taldeak, bere aldetik, harreman bikoitza du hiriarekin. Batetik, Maider bera irakasle lanetan dabil Talaia eskolan. Bestetik, Alaitz eta Maider bikoteko kide ohiaren taldeko bi partaide hondarribiarrak dira: Urbil Artola, gitarrista eta dobro jotzailea, eta Joseba Loinaz, teklista. Beraientzat ere inportantea izango da biharkoa, lehen aldia baita Itsas Etxean kontzertua emango dutena.
Hori gutxi balitz, txantxangorri batek esan digu ezusteko batzuk izango direla Itsas Etxeko saioan zehar. Kontzertuaren formatuaz ez dugu ezer aurreratuko. Bakarrik, Beirak joko duela lehenago, Maiderren saioa dinamikoagoa izango delako.
Bihar larunbata izango da Beiraren eta Maider Zabalegiren kontzertua Itsas Etxean, 20:00etan hasita. Sarreraren prezio orokorra 5 eurokoa da, 18 urtetik beherakoek 3 ordaindu behar dute. Prezio horretan, gaur ostirala, Arma Plazako turismo bulegoan eros daitezke, eta bihar, Itsas Etxeko leihatilan, 18:00etatik aurrera. Internetez erosi nahi duenak, zertxobait gehiago ordaindu beharko du Kutxabanken atarian.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
